Në momentin që kryeministrit Edi Rama po hynte në Pallatin e Kulturës në Kukës, banorë e qytetit i kanë hedhur bomba tymuese. Rama ishte në Kukës për të zhvilluar takim me strukturat e Partisë Socialiste.
“Rama ik, Rama ik”, ishin thirrjet e përsëritura të lëshuara nga protestuesit.
Ata thanë për gazetarët se kreu i qeverisë nuk duhet të shkonte në Kukës, duke e akuzuar mes të tjerash për taksën e Rrugës së Kombit.
Më herët, Rama u ndal në Has, ku gjithashtu u prit me protesta.
“Qeveri e drogës”, “Jo taksës së rrugës së Kombit” ,“Rinia e Hasit nuk të do”, ishin disa prej mesazheve të protestës të të rinjve të Hasit kundër Edi Ramës, të skalituara në pankarta.
Sipas PD-së, jashtë ambienteve të aktivitetit të kryeministrit, forca të shumta policie kanë ndaluar protestuesit të protestojnë në sheshin e qytetit.
