Kryetari i Partisë Demokratike, Lulzim Basha bëri një deklarata të fortë vetëm tre ditë më parë nga foltorja e Kuvendit të Shqipërisë gjatë seancës plenare. Gjatë fjalës se tij deputetët e mazhorancës filluan të qeshnin dhe kryedemokrati Basha tha këto fjalë:
“Shikoni si zgërdhihen. Ata që zgërdhihen më shumë njëri prej atyre që zgërdhihen më shumë (Taulant Balla) ka qenë në Gjermani para tre ditësh. Mbajeni mend këtë që po ju them. Dhe ka porositur një Toyota Yaris, por ta kanë zbuluar Toyotën, o zgërdhimtar, bashkë me 1.5 milion euro të drogës brenda. Vazhdo qesh, do ta shikosh se çfarë do të tundet para hundës shumë shpejt” – tha Basha.
Ndërkohë sot në mesditë një automjet Toyota Yaris u kap në portin e Durrësit me 1.5 milionë euro brenda, te paktën kjo shumë u publikua fillimisht.
Makina vinte nga Ankona, por ishte porositur në Belgjikë. Autoritetet shqiptare u vunë në alarm pas një sinjalizmi të Interpol Romës. Të jetë rastësi, apo Basha ka ditur diçka më shumë?
