Edhe sot, PD ka vijuar me avazin e bojkotimit të Kuvendit. Pas ardhjes në seancë me vonesë, fjalën e mori kreu demokrat Basha, i cili foli për bllokimin e negociatave, duke bërë përgjegjës emrin e kryeministrit Rama.
Që në krye të fjalës së tij, ai tha se kjo mazhorancë e kjo qeveri është e falimentuar dhe e lidhur me krimin, e ndërsa ai dhe Rama janë informuar për fatin e integrimit të Shqipërisë.
Ai tha se Rama nuk i ka bërë detyrat, pasi Shqipëria nuk i ka plotësuar kushtet për hapjen e negociatave. Duke bërë përgjegjës kryeministrin, kreu demokrat, mjaft i rebeluar tha se loja e tij tashmë ka marrë fund, ndërsa bënte të paditurin.
Basha u shpreh më tej se qeveria gjermane, përmes një rezolute ka deklaruar se Rama nuk i ka bërë detyrat.
“Rama është informuar ashtu si edhe unë për një ngjarje me pasoja të tmerrshme për fatin e negociatave, dhe integrimin e vendit.
Por ka ardhur të fshehë të vërtetën, mbrëmë 24 orë pas samitit dhe takimit Merkel- Macron, kristian demokratët dhe kristian-socialët gjermane dhe partia simotër e PS, kanë rakorduar qëndrimin e tyre për negociatat me vendin. Ashtu si Rama e di fare mirë, lajmi nga ky rakordim është më i keqi për shqiptarët”, ka thënë Basha.
Por pas fjalës së tij, për procedurë, Ruçi në përfundim të kohës i ka ndërprerë fjalën, gjë ka sjellë dhe ndërprerjen e seancës.
