Qindra mijëra njerëz në Kaliforni po luftojnë me zjarrin ‘gëlltitës’ që ka marrë gjithçka para prej ditësh të tëra. Numri i viktimave ka arritur në 58, ndërsa qindra persona rezultojnë të humbur. Megjithë ndërhyrjet e emergjencave dhe helikopterëve që mundohen të shuajnë zjarrin, duket se banorët e Kalifornisë kanë parë vdekjen me sy, teksa zjarri është përhapur në mënyrë masive.
Një video rrëqethëse publikuar nga CNN tregon se si njerëzit i luten Zotit që t’i ndihmojë të shpëtojnë të gjallë nga flakët që i rrethojnë kudo.
Banorët kanë filmuar nga brenda automjeteve, të cilët së bashku me familjarët udhëtojnë mes për mes zjarrit, ndërsa luten që të shpëtojnë e të mos digjen të gjallë.
“Të lutem Zot na ndihmo të shpëtojmë! Na lejo të dalim nga këtu, oh Zot i Madh!”, dëgjohen qytetarët e tmerruar teksa luten e qajnë në të njëjtën kohë.
Më shumë se 300 mijë njerëz kanë braktisur shtëpitë e tyre. Në video dëgjohet edhe prindi i një fëmije, që i jep kurajo të bijës, teksa i thotë se nuk do të digjen./ TIRANA TODAY
