Ndaj shqiptarëve të Kosovës, ka shpesh një qëndrim diskriminues. Kjo vërehet më shpesh tek çmimet e kripura të shërbimeve për ta.
Apo tek etiketimet fyese në debatet e mediave sociale. Në Shqipëri ata vlerësohen për patriotizmin e madh.
Por kur na prishet interesi i shajmë, dhe u përmendim krimet e serbëve ndaj tyre. Si reagim, disa në Kosovë po përkrahin idenë e një ”kombi” kosovar.
Gjuha e tyre është e shpesh po aq e ashpër, dhe me një frymë antishqiptare. Ata u japin me zell jehonë incidenteve, si ai i kamarierit harbut në Durrës.
Antikosovarizmi dhe antishqiptarizmi, janë dy anë të së njëjtës medalje. Këto fenomene, duhet të trajtohen seriozisht.
Jo përmes mbledhjeve të përbashkëta mes dy qeverive. Por përmes një debati mbarëkombëtar, që duhet t’i izolojë prirje të tilla. TIRANA TODAY
