SHBA e ka shpallur me kohë, atë çka kërkon të ndodhë në Shqipëri. Arrestime zyrtarësh të lartë, ç’rrënjosje të korrupsionit të ngritur në sistem.
Reagimi ka qenë rezistenca, dhe një luftë e ndrojtur ndaj krimit. Donald Lu “fshikulloi” dje publikisht Edi Ramën, për mos kapjen e Klement Balilit.
Ky ia hodhi fajin politikës, a thua se vetë është aktualisht një drejtor komunaleje. Qeveria Rama i ka mbijetuar skandaleve të shumta, edhe falë mbështetjes së SHBA.
Me kupolën e korruptuar të PD, Uashingtoni zgjodhi të realizojë me Ramën reformën në drejtësi.
Tani është koha që kjo shumicë të paguajë për kusuret e veta, në dëm të shqiptarëve. Donald Lu i nxori dje “kartonin e verdhë” shefit arrogant të qeverisë.
Për hir të interesave, SHBA-BE punojnë shpesh me liderë autoritarë dhe të korruptuar. Por shqiptarët presin tani që ata t’i nxjerrin Edi Ramës “kartonin” e kuq”.
Vetëm baras-largimi nga korrupsioni i nivelit të lartë, mund të fusë në rrjetë “peshqit e mëdhenj”.
TIRANA TODAY
