Kombëtarja Shqiptare po luan një transfertë tepër të vështirë ndaj Maqedonisë. Ekipi kuqezi është jashtë pritshmërive. Ndryshe nga herët e tjera po bëjmë një ndeshje shumë të dobët dhe duket që deri në këto çaste nuk jemi në ditën tonë më të mirë. Ajo që ka rënë në sy deri në këto çaste është se lojtarët maqedonas fizikisht duken shumë të fortë. Gjithashtu, maqedonasit shkojnë shumë afër topit për të bërë presion dhe dominojnë në topat e parë . Ndeshja, e cila është e vlefshme për eliminatoret e botërorit “Rusi 2018” po zhvillohet në stadiumin e Strumicës.
MINUTË PAS MINUTE
11’ Alioski shpërthen në krahun e majtë të sulmit të vendasve, harkon në qendër por aty Pandev është i pavëmendshëm dhe fatmirësisht nuk devijon drejt portës. Ajeti dhe Mavraj largojnë me vështirësi topin.
7’ Shumë agresive Maqedonia në minutat e para, duke sulmuar mbajtësit e topit në radhët e përfaqësueses shqiptare.
4’ Rrezik në portën e Berishës. Ristovski arrin të pasojë në qendër nga e djathta, fatmirësisht Nestorovski nuk mbërrin dhe Ajeti largon sferën në këndore.
2’ Sadiku provon me një gjuajtje të fortë drejt portës në nëj goditje dënimi ballore, topi përplaset në murin mbrojtës.
1’ Nis topin nga qendra Shqipëria
Formacionet
Maqedonia: Dimitrevski, Ristevski, Musliu, Ristovski, Velkoski, Nikolov, Bardhi, Spirovski, Alioski, Pandev, Nestorovski.
Trajner: Igor Angelovski
Shqipëria: Berisha, Hysaj, Ajeti, Mavraj, Agolli, Kukeli, Lila, Roshi, Hyka, Llullaku, Sadiku.
Trajner: Kristian Panuçi
Gjyqtar: Jonas Erikson (Suedi)
