Interi vazhdon fazën përgatitore dhe deri tani ka bërë disa goditje mjaft të mira në merkato që kanë plotësuar hapësirat në skuadër. Luciano Spalletti ka bërë me dije se i duhen dhe dy apo tre lojtarë për të kompletuar ekipin që ai dëshiron, pasi do të marrin pjesë në tre gara këtë sezon, Champions League, Serie A dhe Kupën e Italisë.
Për tu paraqitur denjësisht trajneri i Interit mendon se duhen dhe tre lojtarë, një mesfushor, një mbrojtës krahu dhe një sulmues i djathtë. Dirigjenca e Interit është hedhur në sulm për ti plotësuar dëshirat e trajnerit dhe dy emrat më të nxehtë janë Vidal për mesfushën dhe Vrsaljko për mbrojtjen.
Në restorantin “L’Angolo di Casa” në Milano, Spalletti është pyetur për këto dy transferime dhe ka dhënë disa përgjigje të shkurtra dhe diplomatike. “Vidal dhe ? Drejtorët po punojnë, këto gjëra do të përcaktohen pas përgatitjes, pas njohjes së disa nevojave, gjithashtu të elementeve të reja. Kur i afrohet mbylljes, atëherë disa situata mund të ndryshojnë, disa lojtarë mund të ndryshojnë mendjet e tyre.
Ju duhet të keni rol të dyfishtë, për të tre garat. Në këtë kohë, megjithëse kemi bërë tashmë, ende duhet të bëjmë diçka. Ne jemi duke punuar në fushë, jashtë Ausilio dhe Gardini janë duke punuar “, ka përfunduar Spalletti.
