Opozita nuk do të marrë pjesë ditën e martë në seancën e Kuvendit, ku do të diskutohet për ngritjen e komisionit ad-hoc që do të verifikojë kandidatët e institucioneve të rivlerësimit të gjyqtarëve dhe prokurorëve shqiptarë.
I pyetur nga gazetarët kreu i PD-së Lulzim Basha tha se asgjë nuk ka ndryshuar nga qëndrimi i opozitës. Ndaj sipas tij, PD nuk bëhet pjesë e një procesi fasadë. “Por çfarë ka ndryshuar që të ndryshoj qëndrimi ynë? Asgjë nuk ka ndryshuar dhe asgjë nuk do të ndryshojë, edhe me procedurat fasadë të një Vetting-u fasadë, pa shporrur republikën e krimit përmes zgjedhjeve të lira dhe të ndershme”
Ndërsa u premtoi simpatizantëve të tij se ‘‘Edi Rama nuk do ta ketë kurrë në dorë drejtësinë dhe PD nuk do jetë kurrë alibia. Reformë në drejtësi alla Shullazi nuk ka për të patur kurrë. Ne dhe qeveria e dalë me votë të lirë e të ndershme do ta përcaktojmë .Drejtësinë në duart e Edi Ramës e të kartelit të drogës nuk e dorëzojmë kurrë’’.
