Kuvendi do të mblidhet pasditen e sotme, në një seancë të jashtëzakonshme, për të votuar anëtarët e Komisionit të dytë që do përzgjidhen për organet e Vettingut.
Mësohet se në seancë plenare do të diskutohet dhe miratohet krijimi i dy komisioneve me 12 dhe 6 anëtarë.
Një prej komisioneve përbëhet nga 12 anëtarë; 6 të propozuar nga mazhoranca dhe 6 nga opozita, ndërsa komisioni tjetër përbëhet nga 6 anëtarë; 3 nga mazhoranca dhe 3 nga opozita.
13 prilli ka qenë afati i fundit i të gjitha palëve politike për dorëzimin e kandidaturave për anëtarë të këtij komisioni, ndërsa, nesër, Kuvendi mblidhet sërish për të zhvilluar raundin e parë për zgjedhjen e Presidentit të ri.
Sipas Metës, palët ende nuk kanë një emër, ndërsa kreu i Kuvendit theksoi se presidenti duhet të zgjidhet me konsensus.
