Sebastian Vettel ka fituar në Çmimin e Parë të Interlagos së Brazilit me Bottas dhe Raikkonen që do ta shoqërojnë në podium pilotin gjerman. Ishte një garë e bukur për t’u parë në Brazilin e largët me garën që filloi në orën 17:00.
Vettel, në mungesën e tashmë kampionit të botës nuk e ka pasur shumë të vështirë për të fituar garën me pilotin e dytë të Mercedes dhe Ferrari që renditen pas tij. Gjermani i Ferrarit u nis nga vendi i dytë, por arriti të parakalonte finlandezin Valtteri Bottas të Mercedesit që në kthesën e parë. Në vendin më të ulët të podiumit u ngjit ferraristi tjetër, Kimi Raikkonen, edhe pse këtij të fundit iu desh të vuante shumë në xhirot e fundit pas presionit të vazhdueshëm të britanikut Hamilton.
Hamilton ka bërë një garë fantastike duke rikuperuar shumë pozicione që në fillim dhe duke u gjendur i pari një moment kur të gjithë kryen pit stopet e para teksa ai qëndroi në pistë për të përfituar sa më shumë sekonda.
Ndërkohë vazhdonte të kryente xhirot më të shpejta në fushë dhe si pasojë në xhirot e fundit ai i ishte afrua ndjeshëm makinave të para, por në fund u pozicionua vetëm i katërti.
