Vettel rikthehet në “pole”, Hamilton humb teren në Kanada

Sebastian Vettel është rikthyer në majë, pasi ka fituar provat zyrtare dhe do të jetë në pole-positions në Çmimin e Madh të Kanadasë. Gara do të zhvillohet ditën e diel në pistën Montreal. Piloti i Ferrarit regjistroi xhiron më të shpejtë në provat zyrtare të kësaj të shtune, pasi e pilotoi makinën e tij për 1 minutë 10 sekonda e 764 të mijtat.Në vijën e parë bashkë me Vettel do të jetë Valteri Bottas me makinën e tij Mercedes, ndërsa kampioni në fuqi Lewis Hamilton do të niset vetëm në vendin e katërt. Ndërsa i treti do të niset Max Vestappen me Red Bull, një pozicion mjaft i mirë për talentin holandez. Kimi Raikkonen dhe Daniel Ricciardo do të nisen respektivisht në vendin e pestë dhe të gjashtë në garën e Montreal.