Pasi humbi në Angli, përpara publikut të tij pritej një reagim i fortë i Leuis Hamilton në Gjermani. Por piloti anglez i ka mbyllur si mos më keq provat zyrtare në pistën gjermane të Hokenhajmit.
Ai është tërhequr në fund të sesionit të parë kualifikues pasi nuk po arrinte të mbante makinën në pistë, duke humbur disa herë kontrollin e saj. Hamilton dëmtoi pjesën e poshtme të makinës, saqë konstruktorët i thanë që të rikthehej në bokse. Ai zbriti nga automjeti i tij dhe filloi ta shtynte vetë. Ai do ta nisë garën e nesërme nga vendi i 14-të.
Në provat zyrtare, ishte gjermani Vettel që i mbylli i pari, me kohën 1 minuta, 11 sekonda e 212 të qindtat. Më pas, ishte Botas që u rendit në vendin e dytë, dhe ferraristi tjetër, Raikonen i treti.
