Një 28 vjeçar me iniciale F.Ll ka përfunduar në spital i plagosur me armë zjarri në pjesën e kokës, ndërsa paraprakisht dyshohet se është vetëplagosur.
Policia e Tiranës bën me dije se ngjarja ka ndodhur në një lokal në fshatin Vishnje rreth orës 15:30 minuta.
“Dyshohet se ky shtetas është vetëplagosur me një pistoletë”, informon policia.
Grupi hetimor po punon për zbardhjen e plotë të rrethanave të ngjarjes. Në vendin e ngjarjes është sekuestruar arma e zjarrit Pistoletë.
Shtetasi F. Ll. ndodhet nën kujdesin e mjekëve për momentin jashtë rrezikut për jetën.
