Vetëm 23-vjeç dhe lë kombëtaren pas Botërorit, shkak bëhet nëna e tij

Sulmuesi i Iranit, Sardar Azmoun ka vendosur të largohet nga kombëtarja e tij në moshën 23 vjeçare pasi ofendimet drejtuar tij e kanë prekur edhe nënën e tij të sëmurë. Ai është shprehur se nëna e tij kishte shfaqur probleme shëndetësore për shkak të thirrjeve të tifozëve kundër futbollistëve.Sulmuesi i Rubin Kazan kompletoi nga 90 minuta në secilën prej tri ndeshjeve të Iranit në Botëror, por ka vendosur të pensionohet, duke cituar abuzimet që ka marrë dhe efektin që kanë pasur te familja e tij.Irani mposhti Marokon 1-0 në ndeshjen e parë për të vazhduar me disfatën 1-0 ndaj Spanjës dhe barazimin 1-1 përballë Portugalisë, duke u eliminuar kështu nga kompeticioni. Nga Azmoun pritej më së shumti nga iranianët, por ai dëshpëroi dhe nuk shënoi asnjë gol në këto tri ndeshje.