Pas arrestimit të autorit të masakrës së Vlorës Ridvan Zykaj, cili vrau 8 persona të një fisi, shumë qytetarë të ndryshëm kanë kërkuar dënimin e tij maksimal.
Pasi janë njohur me arrestimin e tij nga policia në një zonë periferike në dalje të Selenicës, shumë komentues në Facebook kërkojnë dënimin e tij me varje dhe vrasje.
Dikush shkruan se autorit të masakrës i duhet t’i jepet dënimi maksimal me varje apo vrasje sepse do të jenë po taksapaguesit shqiptarë që do të paguajnë për ushqimin, mjekët dhe nevojat e tij në burg.
Krimi i kryer nga ana e Zykajt tronditi gjithë opinionin publik, i cili tashmë kërkon dënimin e tij me të njëjtën monedhë me të cilën ai vrau pjesëtarët e dy familjeve.
Arrestimi: Zykaj, i veshur me pantallona të shkurtra dhe me fytyrën gjithë baltë nuk ka mundur t’i fshihet më tej policisë sapo ka zbardhur dita.
Autorit të masakrës iu gjet arma e krimit, një kallashnikov. Ndërsa policia shoqëroi Zykajn në DVP Vlorë, për veprimet e mëtejshme.
https://tiranatoday.com/shoi-2-familjearrestohet-autori-i-masakres-se-vlores-si-ra-ne-pranga/
Zykaj vrau dje 8 persona të një fisi duke shuar gati dy familje në rrethana dhe motive që nuk janë shpjeguar ende nga ana e policisë. Ndërsa i vetmi motiv mbetet ai për shkak të problemeve mendore të 24-vjeçarit Zykaj.
Njoftimi i policisë: Si rezultat i punës së mirëorganizuar, krehjes së territorit, kontrolleve të shumta dhe pa ndërprerje gjatë gjithë natës edhe me anë të qenit gjurmues, të përdorur nga ana e strukturave Policore të DVP Vlorë, Renea, Fnsh dhe Delta Forcë, u bë e mundur kapja e autorit të krimit Ridvan Zykaj në një zonë periferike në dalje të Selenicës.
Gjithashtu u sekuestrua edhe arma e krimit, një kallashnikov. Autori është shoqëruar në DVP Vlorë, për veprimet e mëtejshme.
Materialet hetimore do t’i referohen Prokurorisë së Rrethit Gjyqësor Vlorë për veprën penale ”Vrasje në rrethana cilësuese, ndaj dy ose më shumë personave”, parishikuar nga neni 79/dh i Kodit Penal.
