Milani është mposhtur me rezultatin e thellë 3-0 nga Verona në “Bentegodi”. Kuqezinjtë shkonin në këtë ndeshje me moralin e lartë pasi i kishin mposhtur vetëm pak ditë më parë kundërshtarët me të njëjtin rezultat në ndeshjen e Kupës së Italisë. Por në kampionat ndodhi e kundërta ishte Verona që mori hakun e eliminimit nga Kupa dhe siguroi tre pikët e radhës.
Goli i parë i ndeshjes për veronezët erdhi në minutën e 24-të, kur Antonio Caracciolo shënoi me kokë pas asistimit të Romulos. Pas këtij goli, Milani u hodh në sulm për ta barazuar rezultatin, por nuk pati sukses dhe skuadrat shkuan në pushim me epërsinë minimale të vendasve. Në pjesën e dytë, Verona përsëri filloi mirë me gol, ku ishte talenti Moise Kean, i cili shënoi në minutën e 55-të për 2-0 pas asistimit të Daniel Bessa.
Goli i tretë për vendasit erdhi nga asistuesi i golit të dytë, Bessa, i cili shënoi për 3-0 në minutën e 77-të pas asistit të Romulos. Deri në fund të takimit, Milani u mundua të krijoj diçka për të shënuar golin e nderit, por ndeshja përfundoi me fitoren e Veronas me rezultat 3-0 dhe gjëja e vetme që vlen të theksohet është kartoni i kuq i Susos në minutën e fundit. Pas kësaj humbje, Milani mbetet në vendin e shtatë me 24 pikë, ndërsa Verona renditet në vendin e 17-të me vetëm 13 pikë. Në ndeshjen e ardhshme, Rossonerët luajnë në shtëpi ndaj Atalantas, ndërsa Verona udhëton te Udinese.
