Interi ka fituar derbin e Milanos. Një nga ndeshjet më të rëndësishme të Serie A dhe ndoshta derbi më i bukur në botë do të mbajë firmën e zikaltërve deri në përballjen e radhës. Edhe këtë herë përballë Milanit vendos bomberi argjentinas Mauro Icardi me një gol të shënuar në sekondat e fundit të takimit. Kapiteni i Interit po ashtu fiton edhe duelin personal me Higuain, që ishte krejtësisht në hije në këtë takim.
Superpërballja pati spektakl përgjatë gjithë lojës nuk mungoi nga të dy ekipet, teksa ishte i pranishëm edhe në tribuna u në stadiumin “San Siro” ishin të ulur plot 78.725 tifozë. Minutat e parë folën më shumë për skuadrën e Luciano Spallettit, të cilët kërcënuan hapur portën e kuqezinjve.
Në minutën e 12’ Mauro Icardi në shtyllën e dytë e dërgoi topin në rrjetë, por arbitri anuloi me të drejtë për pozicion jashtë loje, por topi më parë u prek lehtë nga Vicino. Pas 10 minutash, holandezi De Vrij goditi fuqishëm portën, por 19-vjeçari, De, Donnarumma, shmangu gjithçka, duke lënë portën të paprekur.
Gjithashtu, holandezi përsëri rezultoi i pafat, teksa goditja e tij gjeti shtyllën në minutën e 34’ të takimit. Nga ana tjetër, Milani iu përgjigj me gol Interit me Musacchion, por anulohet nga gjyqtari për pozicion jashtë loje.
Fillimi i pjesës së dytë nisi ashtu si e parë për Milani, pasi lëshoi terren, por Vecino shpërdori. Në minutat e mbetura pati kohë edhe për Cutronen e Milanit, por shifrat mbeten të pandryshuara deri në minutën e 92’ kur sulmuesi argjentinas i jep fitoren Interit me një gol me kokë, pas daljes amatoreske të Donnarumma, por Icardi nuk fali aspak.
