Janë zhvilluar dhe dy ndeshjet e fundit te grupit G për të kompletuar ndeshjet që do të na presin në 1/8-at e Botërorit të Rusisë. Është Belgjika që ka marrë vendin e parë në grup, pasi ka mposhtur Anglinë me golin e vetëm të shënuar nga Adnan Januzaj. Nga ana tjetër Panamaja dhe Tunizia luanin një ndeshje për prestigj e cila është fituar nga tunizianët me rezultatin 2-1.
Ndërsa në ndeshjen e dy kryesuesve, Anglia dhe Belgjika po konkurronin se kush do të luante më keq për të shmangur Brazilin në çerekfinale. Të dy trajnerët kishin zgjedhur të bënin shumë ndryshime në këtë sfidë dhe ndeshja ishte mjaft e mërzitshme, sidomos në pjesën e parë.
Pjesa e dytë ndizet më nga belgët të cilët vendosin të hidhen në sulm dhe është Januzaj që shënon një supergol. Një goditje fantastike me të majtën pasi ka shmangur Rosse dhe topi shkon në trekëndëshin e majtë të portës së Pickford.
Një sfidë që anglezët janë munduar ta shmangin me çdo kusht, duke bërë plot 8 ndryshime në formacion në krahasim me dy ndeshjet e para. Një Angli pa ide, pa interes dhe e vetëdijshme për misionin e saj është mposhtur nga magjia e Januzaj. Ndërkohë Tunizia ka mposhtur 2-1 Panamanë.
