Shqipëria ka rritur ndjeshëm peshën e shpenzimeve gjatë vitit 2016 dhe kontributeve për Aleancën e Atlantikut të Veriut.
Pavarësisht se Shqipëria nuk është një kontribuuese e madhe në NATO, përpjekjet e saj janë të konsiderueshme, sa i përket raportit mes shpenzimeve dhe Prodhimit të Brendshëm Bruto.
Gjithashtu, vendi ynë pritet të ndryshojë balancën e shpenzimeve për personelin, duke e rritur me rreth 35% deri në vitin 2025.
Nga ana tjetër, parashikohet që buxheti të jetë me rishikim edhe sa u përket shpenzimeve për kërkime pas vitit 2020.
Ky plan konsiderohet ambicioz nga Aleanca Atlantikut të Veriut, por që do të varet tërësisht nga zbatimi i duhur i buxhetit.
Sakaq, duhet theksuar se për Shqipërinë angazhimet në NATO janë në formën e kontributit, shkruan Monitor.al.
Sipas parashikimeve, Shqipëria do të arrijë shifrën 2% të shpenzimeve ndaj PBB-së deri në 2025-n.
