Finlanda është shpallur vendi më i lumtur në botë, sipas një raporti të ri të OKB-së.
Raporti vjetor i lumturisë botërore tregon se sa të lumtur janë njerëzit dhe pse mendojnë kështu.
Vitin e kaluar ishte Norvegjia në vendin e parë, por ky shtet u rrëzua nga froni nga fqinji i saj skandinav, shkruan Tirana Today.
Vendet nordike zakonisht shfaqen në pesë vendet e para, ndërkohë në ato vende që ka luftë si dhe vendet në Afrikën subsahariane renditen rregullisht në fund të kësaj liste, transmeton mirror.co.uk.
Këtë vit Burundi u shpall si vendi më pak i lumtur – duke zëvendësuar Republikën e Afrikës Qendrore.
Hulumtimi është kryer nga “Rrjeti i Zgjidhjeve të Zhvillimit të Qëndrueshëm” i OKB-së, i cili ka renditur 156 vende në bazë të komponentëve të tilla si; mbështetja sociale, jetëgjatësia e shëndetshme, liria sociale, bujaria dhe mungesa e korrupsionit.
Studimi gjithashtu përfshin informacionin se sa të lumtur janë emigrantët në vendet e tyre pritëse. Edhe në këtë drejtim Finlanda është një nga vendet me standardet më të larta, shkruan Tirana Today.
Duke marrë kondsideratë dimrat e ashpër në këtë vend, finlandezët thanë se kontakti me natyrën, siguria, kujdesi për fëmijët, shkollat e mira dhe kujdesi shëndetësor falas ishin ndër gjërat më të mira në vendin e tyre.
10 vendet më të lumtura në botë
- Finlanda
- Norvegjia
- Danimarka
- Islanda
- Zvicra
- Holanda
- Kanadaja
- Zelanda e re
- Suedia
- Australia
Brianna Owens, e cila u zhvendos nga SHBA-të për të mësuar në Espo, Finlandë, i tha Reuters: “Unë kam bërë shaka me amerikanët e tjerë se ne po jetojmë ëndrrën amerikane këtu në Finlandë.
“Unë mendoj se çdo gjë në këtë shoqëri është ngritur për njerëzit që të jenë të suksesshëm, duke filluar me universitetin dhe transportin që punojnë me të vërtetë mirë”.
Por, ndërsa Amerika bëhet më e pasur – njerëzit e saj bëhen më pak të lumtur.
Shtetet e Bashkuara erdhën në vendin e 18-të, nga vendi i 14-të vitin e kaluar. Britania ishte 19-ta dhe Emiratet e Bashkuara Arabe renditen në vendin e 20-të, shkruan Tirana Today.
Një kapitull i raportit prej 170 faqesh është i dedikuar ndaj problemeve të reja shëndetësore si obeziteti, depresioni dhe kriza opioidike, veçanërisht në Shtetet e Bashkuara ku prevalenca e të treve është rritur më shpejt se në shumicën e vendeve të tjera.
Vendet më pak të lumtura
- Burundi
- Republika e Afrikës Qendrore
- Sudanin Jugor
- Tanzania
- Jemen
- Ruanda
- Siria
- Liberia
- Haiti
- Malaui
Ndërsa të ardhurat amerikane për person janë rritur dukshëm gjatë gjysmë shekullit të kaluar, lumturia është goditur pamundësia e mbështetjes sociale dhe rrjetet e dobëta që shërbejnë për të fuqizuar atë, gjithashtu faktor negaiv që ndikon është një rritje e perceptuar e korrupsionit në qeveri dhe biznese dhe rënia e besimit në institucionet publike.
“Ne patjetër kemi një krizë sociale në Shtetet e Bashkuara: më shumë pabarazi, më pak besim, më pak besim në qeveri”, tha drejtori i SDSN, Profesor Jeffrey Sachs i Universitetit të Kolumbias të Nju Jorkut, shkruan Tirana Today.
“Është shumë e zhurmshme tani. Shenjat nuk janë të mira për SHBA-të. Po bëhet gjithnjë e më e pasur dhe më e pasur, por nuk bëhet më e lumtur”.
I pyetur se si situata aktuale politike në Shtetet e Bashkuara mund të ndikojë në raportet e ardhshme të lumturisë, Sachs tha: “Koha do të tregojë, por unë do të thosha se në përgjithësi kur besimi në qeveri është i ulët, kur perceptimet e korrupsionit janë të larta, pabarazia është e lartë kushtet shëndetësore po përkeqësohen … kjo nuk është e favorshme për ndjenjat e mira dhe lumturinë”. PËRSHTATI TIRANA TODAY
