Kryebashkiaku Erion Veliaj ta merr “kalanë nga brenda”. Pas zhurmës që krijoi PD-ja në lidhje me Teatrin dhe çuarjen e çështjes në PE, Veliaj është treguar i shkathët, duke i treguar forcës kundërshtare se ai tashmë ka arritur në një marrëveshje me artistët.
https://tiranatoday.com/kulla-e-teater-tallava-ceshtja-e-teatrit-shkon-ne-parlamentin-evropian/
Mesazhin në fjalë e ka konkretizuar përmes një fotoje, ku ndodhen Arben Derhemi, Altin Basha dhe Alfred Trebicka.
Por teksa Veliaj, përmes entuziasmit përcjell lajmin se falë kontributit të secilit kemi një marrëveshje më të mirë, dhe sot do të nisin negociatat për një Teater të ri Kombëtar, një kundërpërgjigje vjen nga vetë Derhemi.
Aktori ka thënë se ka ende disa pika ku nuk janë dakord. “Kërkuam që të bëhet konkurs për godinën e re. Territori i Teatrit, pikë që nuk negociohet”, ka deklaruar ai.
Po tani kush po gënjen?
Po sot u bë me dije se Albana Vokshi, ka marrë fjalën në Parlamentin Europian, për t’u ankuar mbi qeverinë “Rama”. Ajo ka thënë se po tentohet që të shembet Teatri Kombëtar. Pavarësisht kësaj tentative, Veliaj ka bërë lëvizjen e radhës, duke gjetur dakordësinë me komunitetin e artistëve për ndërtimin e Teatrit të ri.
TIRANA TODAY
