Ndahet nga jeta, Emma Morano, e cila lindi më 29 nëntor 1899, në rajonin Piemonte të Italisë. Ajo ishte, zyrtarisht, personi i fundit i lindur në vitet 1800.
Emma Morano ishte më e madhja e tetë vëllezërve e motrave, të cilët kanë vdekur më parë dhe vdiq në shtëpinë e saj në qytetin verior Verbania.
Jeta e saj jo vetëm që u shtri në tre shekuj, por edhe i mbijetoi: një martese abuzive, humbjes së djalit të saj të vetëm, dy luftërave botërore dhe ndryshimit të më shumë se 90 qeverive italiane.
Emma Morano kishte pranuar se jetëgjatësia ishte për shkak të gjenetikës: nëna e saj arriti në 91 dhe disa motra kanë arritur 100-vjeçe.
Ajo thotë se suksesi i jetëgjatësisë është dashuria, t’i qëndrohet sa më larg, sugjeroi ajo. E ndjera Morano kishte qenë e dashuruar dikur me një ushtarak, i cili u vra në luftë: “Më pas u martova me një burrë tjetër. Ai ishte i pakujdesshëm për familjen dhe, si pasojë, një ditë humba djalin tim të vetëm. Atëherë jam ndarë me burrin, duke e nxjerrë me shkelma nga shtëpia ime dhe që atëherë nuk jam dashuruar më. Isha vetëm 39-vjeçe” – kishte deklaruar e ndiera Morano, para raportuesit të BBC-së.
