Pas një aventure dy vjecare, Realdo Fili ka vendosur që të largohet nga ekipi i Partizanit. Janë vetë të kuqtë që kanë dhënë lajmin se klubi i Partizanit dhe lojtari kanë prishur me mirëkuptim kontratën dhe sulmuesi fierak është i lirë të vazhdojë karrierën diku tjetër. Fili nuk ka vonuar dhe është parë me valixhe në duar që ditën e sotme.
Vetëm dje, drejtori Olsi Rama pati deklaruar se po shikohej mundësia e huazimit tek një ekip tjetër, por sot klubi ka njoftuar largimin e Filin, si pasojë e konkurrencës së madhe në ekip. Ja dhe postimi i plotë i Partizanit.
NJOFTIM
Klubi falenderon lojtarin Realdo Fili për kontributin e dhënë përgjatë dy sezoneve me fanelën e Partizanit. Për tu veçuar performanca pozitive në kualifikimin historik përballë hungarezëve të Ferencvaros në sezonin 2016 – 2017. Sulmuesi 21 vjeçar ka arritur sot marrëveshjen me drejtuesit e klubit duke mbyllur me mirëkuptim aventurën e tij me 15-të herë kampionët e vendit. Si rezultat i konkurencës së shtuar, klubi duke marrë në konsideratë hapësirat e kufizuara të aktivizimit, i jep mundësi lojtarit të vijoj karrierën e tij në një tjetër ekip. Klubi i uron Realdo Filit suksese të mëtejshme në karrierën e tij sportive.
