Kreu i grupit parlamentar të LSI-së, Petrit Vasili ka akuzuar Ramën se po bën pastrim parash në vend. Këto akuza Vasili i bëri në një deklaratë për shtyp, ku tha se kryeministri Rama po mban peng Shqipërinë, ndërsa qytetarët dhe bizneset e ndershme rrënohen e mjerohen.
Gjatë fjalës së tij, deputeti i opozitës iu referua raporteve të policisë gjermane, evropiane e atyre të DASH, ndërsa bëri thirrje që qytetarët t’i bashkohen protestës së 16 shkurtit.
“Në Shqipëri po bëhet një pastrim i madh parash. Pastrimi i parave është peng në duart e një njeriu, kryeministrit të Shqipërisë. Nëpërmjet këtyre operacioneve ai bëhet miliarder por qytetarët dhe bizneset e ndershme rrënohen e mjerohen. Shqipëria është në një moment ulëritës. Kjo vërtetohet edhe nga raportet e policisë gjermane, raporteve evropiane e ato të DASH. Le të dalim të gjithë bashkë në protestë dhe të mbrojmë të ardhmen e fëmijëve tanë. Çdo shqiptar që mbyll sytë po gatuan një të ardhme të zezë”,- tha ai.
