Me flamuj në duar dhe me parullat “Kostantin jeton, ti na drejton shtetasit grekë”, grekët kanë kënduar himnin e tyre ndërsa përcjellin për në banesën e fundit Konstantin Kacifas, 35-vjeç.
“Kostantini është i pavdekshëm”, “Vorio-Epiri është Greqi. Kjo është tokë greke”, janë thirrjet e tyre.
Varrimi i tij shoqërohet nga thirrje politike dhe nuanca ekstremiste. Familjarët nuk kanë lejuar mediat shqiptare që t’i afrohen banesës.
Ata janë shprehur se nuk i njohin mediat shqiptare, por vetëm ato greke. Teksa përcjellin 35-vjeçarin për në banesën e fundit, familjarët janë parë të mbanin kurora me dafina në duar. Ceremonia mortore do të zhvillohet në kishën e fshatit Bularat.
