Në datën 18 janar 1908 në gazetën e ilustruar angleze “Lajmet e Ilustruara të Londrës” (Illustrated London Neës) piktori i mirënjohur Richard Caton Ëoodville Jr., i dërguar në Shqipëri si gazetar dhe ilustrues, ka publikuar një pikturë tejet interesante me diçiturën “Duke nderuar heroin kombëtar shqiptar Skënderbeun, në varrin e Skëndërbeut në ditën e tij të vdekjes”, në anglisht (Honoring the Albanian national hero Scanderbeg, at the tomb of Scanderbeg on his death day).
E publikuar vetëm një ditë pas 17 janarit 1908 ose fiks në 440 vjetorin e vdekjes së heroit tonë kombëtar, kjo pikturë meriton vëmendje të shtuar edhe për faktin se ngre disa pikëpyetje?
-Ku vallë do të jetë ndeshur gazetari dhe piktori i njohur anglez me këtë vendvarrim?
-Si ka mundësi që ai e ka publikuar pikturën saktësisht në përvjetorin e 440 të vdekjes së Skënderbeut?
-Sa mundësi ka që shqiptarët të kenë qenë të përpiktë në përkujtimin, vit pas viti, apo qoftë njëherë në 10 vjet, të ditës së vdekjes së heroit të tyre kombëtar?
-Sa mundësi ka që shqiptarët të kenë përshtatur vendvarrimin e Skënderbeut si një vendvarrim që ngjan me ato të klerikëve bektashianë me qëllim për të mos pasur pasoja nga pushtuesit osmanë?
Sigurisht që kjo pikturë unike meriton hulumtime të studjuesve profesionistë dhe sigurisht edhe një përgjigje shteruese për autenticitetin si dhe vëndndodhjen. TIRANA TODAY
