Vajza e gjyqtares së vrarë një ditë më parë, e cilëson të ëmën si një heroinë që u sakrifikua për të mbrojtur fëmijët e saj. Sipas së bijës, Melisa Hafizi, e ëma e saj, Fildes Hafizi ka përjetuar çdo ditë terrorin e ish-bashkëshortit të saj, i cili dje e qëlloi për vdekje atë.
Melisa shkruan se ndihet krenare për të ëmën e saj edhe pse ajo nuk jeton më ndërsa të atin e cilëson një monstër që nuk meriton as të marrë frymë.
“Kushdo që e njihte e adhuronte kurajën, forcën, inteligjencën, dashurinë e saj për jetën dhe zemrën e saj të pastër. Vetëm ne e dimë se si rrinte me frikë kur iknim çdo fundjavë te i ashtuquajturi “babi” që ka qenë dhe gjithmonë do të jetë një monstër që nuk meriton të marrë frymë. Kur të kujtoj mamin tim un nuk do të qaj por do jem krenare për personin, heroinën që më rriti”, shkruan në mesazhin e saj vajza e gjyqtares së vrarë.
