Sulmuesi i Kombëtares shqiptare, Myrto Uzuni është lojtari më i shtrenjtë në kampionatin hungarez të futbollit. Vlera e kartonit të tij, tashmë shkon në 3 milion euro.
Këtë fakt e ka bërë publik vet uebsajti i klubit hungarez, duke renditur 10 lojtarësh më të shtrenjtë të kampionatit, ku beratasi kryeson listën.
Sipas portalit “Transfermarket.com”, Ferencvarosh vlen 32.1 milionë euro, gati 1/4 e kampionatit hungarez të futbollit i cili vlen 124.6 milionë euro.
Kampionët e Hungarisë kanë një skuadër mjaft të mirë, por ajo që bie në sy është rritja e vlerës së Uzunit të cilin Ferencvarosh e sheh si “diamant”.
