Uta Ibrahimi është alpinistja e parë shqiptare që është ngjitur në malin më të lartë në botë, Everest.
Suksesin e rradhës të alpinistëve shqiptarë, e njoftoi njëri prej tyre, Xhimi Begeja. “Sot në të gdhirë në 22 maj 2017 në orën 05:05. Ajo e mposhti Everestin. Uta nuk u tërhoq nga moti keq, duke nderuar kombin shqiptar”, shkruan Begeja në profiling e tij në Facebook.
Ndërsa vet Uta, në një postim në Facebook shkruan se “për të gjithë ju që më keni bërë të dua nënën natyrë, që më keni dhënë dashuri e përqafime, guxim e besim, nëpër ekspeditat tona të shumta për 6 vjet … e më shumë për ata që kanë besuar në ëndrrën time dhe më kanë bërë më të fortë drejt realizimit të saj! Jeta është sfidë me veten, është mësimi im për këto 50 ditë të ngjitjeve të mia të vështira në lartësi të mëdha mbidetare, nëpër #Himalaya …. ju falenderoj, veç e veç, prej zemrës, secilin”.
