Një racë e re e bandave kriminale shqiptare të pamëshirshme po i detyron njerëzit që ata të kontrabandojnë në Britani të Madhe për të paguar borxhet e tyre duke punuar në rritje dhe prodhimin e drogës, bën të ditur “The Telegraph”.
Një numër i madh i emigrantëve ilegalë shqiptarë janë zbuluar në muajt e fundit duke punuar si ‘kopshtarë’ në fabrikat e kanabisit.
Por, një detektiv shqiptar, i cili lufton kundër bandave të organizuara në Tiranë, tha se: “Kjo është një ushtri e fuqishme dhe e frikshme”. Sipas tij, ata janë kriminelë të rinj, ambiciozë dhe të besueshëm që synojnë Britaninë, për të marrë nën kontrollin tregjet e kokainës dhe kanabisit.
Statistikat e Ministrisë së Drejtësisë tregojnë pothuajse një rritje me pesëfish në shifra të shqiptarëve në burgjet britanike,gjatë 7 viteve të fundit.
Në vitin 2010, kishte vetëm 154 të burgosur shqiptarë në Angli dhe Uells. Megjithatë, kjo shifër u rrit në 726 deri në shtator 2017.
Ndërsa bëhet e ditur se dy e treta e të burgosurve janë dënuar për vepra penale të drogës.
Detektivi shqiptar tha: “Ky brez i ri u shndërrua në një ushtri të fuqishme dhe të frikshme që është e disiplinuar dhe besnike ndaj bosëve. Ata hynë në tregun e kokainës dhe kanabisit nga 2009. Paratë u kthyen në Shqipëri ose u investuan në biznese ose u blejnë prona në Londër”./Përshtati: Tirana Today/
