“Financimi i terrorizmit nga Rusia: Shqiptarët planifikuan një sulm ndaj Putinit dhe Vuçiçit”, ky është titulli me të cili gazeta serbe “Alo”, ka hapur artikullin ku bëhej fjalë për një sulm të mundshëm kundër Presidenti rus dhe atij serb, ku sipas saj ishte i orkestruar nga shqiptarët.
Sipas gazetës serbe “Alo”, ajo kishte mësuar në mënyrë konfidenciale dhe ekskluzivisht të dhëna për organizatorët e sulmit terrorist në Moskë, i cili do të kishte në shënjestër dy Presidentët. Sipas saj ata që do ta kryenin sulmin dhe për të cilin po mblidhnin para, paskan qenë disa shokë të Lavrdim Muhaxheri, i njohur si “Kasapi i Kaçanikut shqiptar”. Por ky i fundit u ekzekutua në vitin 2017 nga trupat ruse , përkatësisht nga forcat e hapësirës ajrore të operimit të Rusisë dhe Sirisë të “Tiger”, në fushën e Idlib.
“Në mënyrë që të organizonin funksionimin e një sulm ndaj presidentit Putin, ta po mblidhnin një shumë të hollash, të planifikuara nga një pjesë e madhe e fondeve të mbledhura nga ish-bashkëluftëtarët apo komandantëve Muhaxheri. Paratë erdhën nga trafiku i drogës, i cili vazhdon të lulëzojë në Kosovë, dhe Maqedoni, ku të pranishëm një numër të madh të luftëtarëve të Shtetit Islamik të cilët janë kthyer nga Siria…” shkruan “Alo”.
Gazeta në fund ka shkruar se “ne nuk duhet të harrojmë se ishte Muhaxheri, i cili ishte përgjegjës për planifikimin e sulmeve terroriste të shumta, duke përfshirë një plan të dështuar të sulmit mbi lojtarët izraelite në ndeshje Izrael-Shqipëri në vitin 2016 në Shqipëri.” Tirana Today
