Ajo që ka ndodhur në Maqedoni, në ndeshjen mes Shkëndijës dhe Akademisë Pandev është me të vërtetë e veçantë. Sot është dita e pavarësisë së Shqipërisë dhe urime ka gjithandej. Por në shtetin fqinj ku ka kaq shumë përçarje mes shqiptarëve dhe maqedonasve, ky mund të jetë urimi më i bukur dhe me një mesazh të gjerë.
Ky gjest ka ardhur nga kapiteni i skuadrës së Akademisë Pandev, Stoilov i cili në fillim të takimit i dhuroi një buqetë me lule, kapitenit të Shkëndijës, Armen Alimit duke i uruar kështu festën e 28 Nëntorit. Kjo akademi është e ngritur nga ish-sulmuesi i Interit, Goran Pandev që ka fituar edhe një titull Champions League me zikaltërit.
