Zëvendëskryeministrja Mandija i tërheq vëmendje ministrave që nuk bashkëpunojnë në zbatimin e planit të masave operacionale në mbarëvajtjen e zgjedhjeve
Zëvendëskryeministrja Ledina Mandija, në cilësinë e drejtueses së Task Forcës i ka tërhequr vëmendje ministrave, të cilët nuk kanë zbatuar vendimin e Task Forcës të datës 24 qershor 2017 për zbatimin e planit të masave operacionale në mbarëvajtjen e zgjedhjeve, duke i bërë thirrje atyre të plotësojnë këtë detyrim brenda datës 25 qershor 2017.
Sipas këtij vendimi të komunikuar dje nga zyra e zëvendëskryeministres, çdo ministri është e detyruar të bëjë një deklaratë për shtyp nëpërmjet së cilës fton qytetaret të denoncojnë në e-mailet, telefonat apo rubrikën e denoncimeve të Ministrisë përkatëse, çdo rast të përfshirjes së punonjësve të kësaj ministrie dhe/ose institucioneve të saj të varësisë në shitblerje të votave, intimidim të votuesve për të votuar për një subjekt të caktuar politik apo shkelje të tjera të lidhura me zgjedhjet
Por sic thuhet në njoftimin e zyrës për shtyp të zv/Kryeministres, këtë urdhër e kanë zbatuar vetëm ministritë që drejtohen nga ministrat teknikë; Ministria e Arsimit dhe Sportit, Ministria e Punëve të Brendshme, Ministria e Financave, Ministria e Arsimit, Ministria i Mirëqenies Sociale dhe Rinise, Ministria e Drejtësisë, Ministria e Shëndetësisë.
Ndërkohë që ky njoftim nuk është realizuar nga Ministria e Mbrojtjes sipas detyrave të posaçme të përcaktuara në mbledhjen e fundit të Task Forcës dhe sipas njoftimit të bërë për të gjithë Ministrat e tjerë.
