Kamza nuk di të ndalet, mposht Teutën në “Niko Dovana” dhe arkëton përkohësisht vendin e dytë duke lënë pas Kukësin dhe flamurtarin. Një fitore me shumë vlera arrijnë të marrin djemtë Ramadan Ndreut në një transfertë mjaft të vështirë. Teuta e Maganit rikthehet sërish në kohën që mori penalitete dhe trajneri ishte i detyruar të jepte dorëheqje javë pas jave.
Ndeshja filloi me ritme të larta ku miqtë ishin vendosur mjaft mirë në fushë dhe nuk lejonin “Djemtë e detit” të rrezikonin portën në asnjë moment. Goli vjen që në pjesën e parë dhe është pikërisht goleadori i ekipit Racic që shënon nga jashtë zone pas një goditje mjaftë të fortë. Teuta dukeshe e pafuqishme për të reaguar në pjesën e parë dhe nuk arrin të rrezikojë në asnjë moment. Teuta nuk u pajtua me rezultatin dhe u hodh në sulm në pjesën e dytë, por u ‘tradhëtuan’ nga boshnjaku Dediç, që goditi me bërryl kundërshtarin dhe u ndëshkua me karton të kuq, duke lënë skuadrën me një lojtar më pak.
Gjithsesi, Teuta vijoi të ushtrojë presion, në kërkim të golit të barazimit, ndërsa pretendoi edhe për penallti në 2 momente, por nuk ishte i këtij mendimi gjyqtari kryesor. Nga ana tjetër, Kamza vijoi me strategjinë fillestare, duke u munduar të ulë ritmin e lojës dhe të dalë rrezikshëm në kundërsulm, ku në 2-3 raste mund të kishte shënuar edhe golin e dytë. Përfundon 0-1 dhe Kamza ngjitet menjëherë në vendin e 2-të, me 23 pikë, 5 më pak se Skënderbeu dhe 1 më shumë se Kukësi.
Teuta-Kamza 0-1
Teuta: Kastrati, Beqja, Hrkaç, (Sykaj 7’), Shkalla, Hakaj, Çyrbja, Lena, Hila, Beqaj, Dediç, Latif.
Trajner: Gugash Magani
Kamza: Halilaj, Frashëri, Lelis, Kuqi, Idrizaj, Fukui, Arrabal, Ymeraj, Rezi, Plaku, Raçiç.
Trajner: Ramadan Ndreu
Gjyqtar: Eldorjan Hamit
KV: Beqja 17’ / Kuqi 13’, Fukui 29’, Plaku 45’
