Universiteti i Tiranës u akreditua nga britanikët për një vit, me një vlerësim të ulët, ndërkohë që universitet në qarqe të tjera të vendit u akredituan deri në 5 vitet e ardhshme. Ditën e sotme u publikua një dokument që tregon arsyet e këtij vlerësimi.
Programet e vjetra mësimore, mungesa e teksteve shkollore dhe materialeve online, mungesa e infrastrukturës mësimor janë vetëm disa nga arsyet parësore. Britanikët kanë dhënë edhe rekomandimet e tyre se si duhet përmirësuar Universiteti Publik i Tiranës.
Rekomandimet për Universitetin Publik të Tiranës:
-Universiteti të përshtatë dhe të përmirësojë menjëherë statutin duke përfshirë një qëndrim të qartë me objektivat dhe misionin e tij.
-Universiteti të zhvillojë dhe implementojë menjëherë një strategji të zhvilluar e cila të përfshijë misionin dhe qëllimin e tij dhe të përcaktojë objektivat.
-Universiteti të sigurojë një raport vjetor të cilën ta dërgojë në ministri, në përputhje me pritshmëritë statuore dhe legale.
-Universiteti të sigurojë që deri ën 2018-ën, zhvillimi i tregut të informojë mbi strategjinë, qëllimin e misionin e zhvilluar.
-Universiteti deri ën 2018-ën, duhet të bëjë një vlerësim të qartë, të përputhshëm dhe të dokumentuar me të dhënat periodike për performancën dhe aftësitë e stafit.
-Universiteti duhet të rishikojë dhe të ripunojë uebsajtin deri ën shtator të 2018-ës, për të siguruar një platformë të qëndrueshme, dygjuhëshe, që u përgjigjet nevojave të palëve të interesuara.
-Universiteti duhet të ndërmarrë hapa të matur, për të siguruar që ka mjaft burime për mjedisin dhe infrastrukturën për një performancë të mirë akademike dhe shkencore
-Universiteti duhet që në fillim të vitit të ardhshëm akademik, të rishikojë bazën e të dhënave për programet e studimit, për t’u siguruar që janë koherente dhe në përputhshmëri me kërkesat e ligjit.
-Universiteti duhet të zhvillojë dhe implementojë një vlerësim strategjik për të rritur mobilitetin e studentëve. (deri në gusht të 2018-ës)
-Universiteti duhet të sigurojë që ka një politikë të qartë dhe të dokumentuar për procedurat për trajtimin e një vlerësimi institucional. (deri ën gusht të 2018-ës)
-Universiteti të zhvillojë dhe të implementojë një politikë formale lidhur me plagjiaturën dhe të tjera sjellje të gabuara akademike.
-Universiteti duhet të qartësojë dhe të publikojë vlerësimin e bërë të programeve të studimit
-Universiteti duhet të zhvillojë dhe të zbatojë një strategji për të drejtuar prioritetet e kërkimit institucional.
-Universiteti duhet të ndërmarrë një aksion sistematik për të përmirësuar përgatitjen dhe aksesin në librari dhe burimet online.
-Universiteti duhet të ndërtojë një strukturë dhe procedurat për mbledhjen e të dhënave lidhur me punësimin e të diplomuarve të tij.
Sjellim ndërmend se Universitetin e Tiranës e kanë kontrolluar pjesëtarët e stafit britanik, kurse në universitet në qarqe të tjera të vendit përveç britanikëve ka pasur edhe staf shqiptar.
