Pas nisjes së vitit të ri akademik, ministria e Arsimit Sportit dhe Rinisë ka publikuar një udhëzim për kuotat e mbetura bosh në universitete.
Ministrja, Lindita Nikolla ka firmosur sot urdhrin për plotësimin e kuotave bosh në Universitete. Pas dy raundeve në universitetet publike në të gjithë vendin ka ende kuota bosh. Viti i ri akademik 2017-2018 i cili nisi pikërisht sot, ka diktuar edhe kuotat e lira në universitete.
Sipas urdhrit të Nikollës, nga 16 tetor deri në 26 tetor, studentët të cilët kanë aplikuar më herët në portalin e Ministrisë së Arsimit për ndjekjen e studimeve të larta, mund të regjistrohen për të përfituar të drejtën e studimit. Përjashtohen nga e drejta për të aplikuar të gjithë ata studentë të cilët rezultojnë të regjistruar në program tjetër studimi.
Udhëzimi për kuotat e mbetura bosh në universitete! by Tirana Today on Scribd
