Kryeministri Edi Rama është përplasur live me gazetarin e Klan Kosovës. Gazetari iu drejtua me një pyetje Haradinajt, ku sipas tij Rama e ka quajtur gabim votimin për demokracionin me Malin e Zi. Në këtë moment ka ndërhyrë Rama.
Gazetari: Kryeministri Rama a mund të jeni më konkret për qëndrimin që ka qeveria juaj lidhur me idenë e ndryshimit të kufijve? Ka zëra që thonë se ju dhe Vuçiç kemi bërë një pak të fshehtë për “korrigjimin e kufijve”.
Kam edhe një pyetje për ju Haradinaj, nëse jeni penduar që keni votuar demarkacionin. Pasi dëgjuam edhe kryeministrin shqiptar duke thënë se po del se ky është një gabim i madh.
Rama: Ku e dëgjove këtë ti, apo në kazan?
Gazetari: Cilën?
Rama: Prit se jam unë këtu… kur të shkosh tek kazani mund t’i thoni këto. Por me mua këtu, ku e dëgjove ti atë që e thash unë se “është gabim i madh”. Unë nuk thash që është gabim i madh.
Gezetari: E përmende disa herë, folët edhe më parë për demarkacionin.
Rama: Fola por nuk thash që është gabim i madh, shkon në kazan dhe fol çfarë të duash. Por, këtu ku jam unë përballë t’i më flet nga kazani.
Gazetari: Po kështu e interpretuat, ju e përmendet disa herë dhe del që është gabim.
Rama: Unë jam këtu dhe jam gjallë akoma, po deshe eja më prek që ta kuptosh./ TIRANA TODAY/
