Kryedemokrati Basha, ka denoncuar kryeministrin Rama dhe kryebashkiakun e Tiranës, Veliaj, si personat përgjegjës që firmosën për zhvendosjen e shtratit të lumit Lana, duke sjellë shembjen e mbi 200 shtëpive.
Me anë të një postimi në Twitter, kreu i PD-së shkruan se firmosja e këtij projekti, i hap rrugë mikut të tyre trafikant, për të pastruar 60 milionë euro.
“Rama dhe Veliaj firmosën për të zhvendosur shtratin e Lanës, dhe për të prishur shtëpitë e mbi 200 familjeve!
Këtë e bën vetëm që ti hapin rrugë projektit të mikut të tyre trafikant droge, ku do të pastrohen 60 milion euro të krimit. Ndaj ata nuk e duan Vetingun në politikë!”, përfundon reagimin ai.
Rama dhe Veliaj firmosën për të zhvendosur shtratin e Lanës dhe për të prishur shtëpitë e mbi 200 familjeve! Këtë e bënë vetëm që ti hapin rrugë projektit të mikut të tyre trafikant droge, ku do të pastrohen 60 milion euro të krimit. Ndaj ata nuk e duan Vetingun në politikë! pic.twitter.com/PR2U11hHgE
— Lulzim Basha (@lulzimbasha_al) December 23, 2018
