Kryeministri Edi Rama ka përgëzuar familjet e para të cilat morën banesa sociale, bonusin e qerasë trevjeçare apo lekët e shpronësimit. Nëpërmjet një statusi në Twitter, kreu i qeverisë nuk nguron dhe të akuzojë kreun e demokratëve, Lulzim Basha duke thënë se nuk ka lidhje me interesat e qytetarëve.
Reagimi:
Përgëzime familjeve të Unazës së Re që po ndahen nga lukunia e Shqupit dhe po përfitojnë sipas ligjit,banesën sociale, bonusin e qerasë trevjeçare apo lekët e shpronësimit për interes publik
Hesapet e Lul Kadriut s’kanë lidhje me interesat e tyre, të Tiranës e Shqipërisë që duam.
Ndërsa kryetari i Bashkisë Erion Veliaj ka publikuar mëngjesin e sotëm fotot nga familjet e para të cilat janë transportuar me automjetet e shërbimit social të Bashkisë së Tiranës në apartamentet që janë mobiluar me të gjitha orenditë dhe me të gjitha pajisjet elektro-shtëpiake.
“Një fillim i ri për të gjithë! Familjet e para që preken nga projekti i Unazës lanë banesat primitive pa leje mbi kolektorë në gjurmë të rrugës, për një fillim të ri me banesa dinjitoze sociale. Koha që njerëzit të bëjnë llogarite e tyre, jo të shqupit që i ka mish për top”,shkruan Veliaj në Facebook.
