Pas kthimit të Skënderbeut në Shqipëri ditën e djeshme, skuadra ka filluar stërvitjen nga Korça, atje ku trajneri Ilir Daja ka mbajtur lojtarët në seancën e parë përgatitore për ndeshjen e kthimit ndaj Dinamos së Zagrebit.
Seanca ka qenë përgjithësisht e lehtë për Skënderbeun me ushtrime vrapimi dhe rikuperimi të gjendjes fizike. E gjithë puna është zhvilluar dje në aneksin e ri të stadiumit. Binte në sy prania e shumë tifozëve që të cilët gjatë gjithë kohës kanë duartrokitur për heronjtë e Zagrebit.
Pas seancës së parë stërvitore, trajneri i Skënderbeut, Ilir daja vendosi se që prej ditës së sotme stërvitja do të zhvillohet në stadium, por me dyer të mbyllura. Rikthehet kështu sërish frika nga spiunët kroatë në kampin bardhekuq dhe menjëherë trajneri kryeqytetas merr masat e nevojshme për të përgatitur në qetësi ekipin. Nga sot, asnjë person nuk do të lejohet të ndjekë stërvitjet e ekipit, ky ka qenë ultimatum i Dajës, i cili kërkon qetësi absolute gjatë stërvitjes.
