Presidenti serb, Aleksandar Vuçiç ka refuzuar ultimatumin që i kishte dhënë Komisionerin Johannes Hahn. Dy palët patën një takim dy orësh dje në Beograd. Serbia thuhet se refuzoi ultimatumin se ajo duhet të bëjë diçka që Prishtina të kthehet në tryezën e bisedimeve.
Kështu shkruan gazeta beogradase Blic në numrin e sotëm, transmeton Klan Kosova.
“Vuçiç në mënyrë të vendosur ka deklaruar se nuk ka kthim në bisedime. Derisa taksa për mallrat serbe të tërhiqes, nuk ka kthim. Vetëm atëherë ne mund të flasim”, raporton gazeta.
Po ashtu thuhet se në takim kreu i shtetit serb ia ka treguar marrëveshjen e Brukselit Hahnit. Ai e ka pyetur se çfarë nuk ka përmbushur saktësisht Serbia në këtë dokument.
Në shkrim theksohet se Hahn në takim me Haradinaj ka thënë se taksat janë të papranueshme.
Sipas tij: “Prishtina do të vuajë pasoja të rënda për shkak të tyre”.
Komisioneri tha se ishte shumë i zemëruar që autoritetet kosovare që nuk e respektojnë marrëveshjen.
Hahn ka kërkuar dje nga pala kosovare heqjen e taksës prej 100 % për produktet me origjinë nga Serbia.
Komisioneri, ka konfirmuar gjithashtu në Prishtinë se çështja e liberalizimit të vizave për kosovarët, nuk do të ndodhë këtë vit. Po, ai ka theksuar se vitin 2020 si datë potenciale të heqjes së regjimit të vizave për Kosovën.
