Instituti i Statistikave (INSTAT), raportoi se në muajin maj 2017 eksportet e mallrave arritën vlerën 24 miliard lekë, duke u rritur me 18 %, në krahasim me të njëjtën periudhë të një viti më parë dhe me 0,8 %, në krahasim me muajin paraardhës.
Importet e mallrave, në maj 2017 arritën vlerën 55 miliard lekë, duke u rritur me 5,8 %, në krahasim me një vit më parë dhe me 9,7 %, në krahasim me muajin prill 2017.
Defiçiti tregtar i këtij muaji është 31 miliard lekë, duke u ulur me 2,2 %, krahasuar me majin e 2016-ës por rezulton 18 % më i lartë, në krahasim me prillin e 2017-ës.
Ndërsa deficiti tregtar për periudhën janar-maj arriti vlerën 127 miliard lekë, duke u ulur me 4,1 %, krahasuar me 2016.
