Në nëntor të vitit 2013 në Ukrainë nisën protestat masivë që kërkonin shkëputje përfundimtare nga Rusia e cila çoi në përmbysjen e presidentit Viktor Yanukovych, tre muaj më vonë. Në Ukrainë kjo njihet si Dita e Dinjitetit dhe Lirisë.
Presidenti Petro Poroshenko, gruaja e tij Maryna, kryeministri Volodymyr Hroysman dhe kryetari i Parlamentit, Andriy Parubiy, kanë vënë kurora me lule dhe kanë ndezur qirinj në një monument në Sheshin e Pavarësisë në Kiev. Monumenti i nderon protestuesit e vrarë nga dhuna e forcave të sigurisë.
Lëvizja e Euromaidanit ka nisur me mbledhjen e protestuesve në qendër të Kievit pasi Yuanukovych është tërhequr nga planet për nënshkrimin e Marrëveshjes së Asociimit me Bashkimin Evropian, në favor të lidhjeve më të afërta ekonomike me Rusinë.
Në shkurt të vitit 2014, Yanukovych ka nënshkruar një marrëveshje me kundërshtarët, e cila do të duhej t’i jepte fund krizës, por ai e ka braktisur zyrën shumë shpejt pas kësaj dhe ka ikur në Rusi.
Moska i është përgjigjur rënies së Yanukovychit me aneksimin e gadishullit ukrainas të Krimesë dhe nxitjen e separatizmit në pjesën lindore të Ukrainës.
