Presidenti rus ka komentuar përplasjen mes anijeve ukrainase dhe ruse në Detin e Zi. Rusia konfiskoi tre anije detare ukrainase dhe ekipe të tyre të dielën. Moska i ndaloi me pretendimin se kishin hyrë ilegalisht në ujërat ruse, diçka që Ukraina e mohon.
Putin akuzoi presidentin ukrainas Petro Poroshenko për orkestrimin e konfrontimit nga Krime. Sipas tij, Presidenti ukrainas e bëri këtë për të rritur perspektivat e tij për t’u rizgjedhur në zgjedhjet e ardhshme.
Por, lidhur me incidenti Moska është përballur me reagime të ashpra nga komuniteti ndërkombëtar, raporton dailystar.co.uk.
Liderët perëndimorë po bëjnë thirrje për sanksione dhe presidenti i SHBA, Donald Trump, po shikon mundësinë e anulimit të takimit me Putinin.
“Autoritetet në Kiev po shesin ndjenjat anti-ruse si një sukses mjaft i madh. Ata nuk kanë asgjë tjetër për të bërë”, tha Putin në Qendrën Tregtare Ndërkombëtare të Moskës.
Putini tha, se sipas mendimit të tij, vendet perëndimore dhe NATO duket se i japin Ukrainës mbështetje të pakushtëzuar nëse qëllimet e tyre janë anti-ruse.
Ndërsa për reagimin e kombeve të huaja ai bën një vesh shurdh dhe një sy qorr. Porsa i përket Ukrainës ai e krahason me një “bebe në mëngjes” që kërkon të ushqehet.
Ai tha: “Në qoftë se Ukraina ka një kërkesë si një bebe në mëngjes, ata do ta ndihmojnë atë. Ata do të thonë: ‘Pse jo, ajo është e uritur, çfarë duhet bërë për këtë?’ Kjo është një politikë kaq e shkurtër dhe nuk mund të ketë një rezultat të mirë”./Përshtati: Tirana Today/
