Rubina Hebaj ishte heroi i Partizanit në derbi teksa me dopietën e realizuar i dha fitoren skuadrës së Skënder Gegës. Në prononcimin për “Supersport” shkodrani u shpreh:
E kishe menduar që do shënonit 2 gola?
Nuk e mendoja që do të shënoja 2 gola në 1 ndeshje kaq të bukur. Ishte një surprizë për mua. Shpresoj të vazhdoj prapë në të ardhme me shënimin e golave.
Beson që me këto 2 gola Partizani e ka sulmuesin brenda?
Partizani ka shumë sulmues brenda. Ne luftojmë të gjithë si grup. Rëndësi ka fitorja e ekipit dhe jo individi. Sa për merkaton klubi ka objektivat e veta. Shpresoj të jem në planet e klubit.
Çfarë të tha Gega?
Gega më urojë për golin dhe më tha që të kemi kujdes tani që jemi në avantazh dhe mos pësojmë prap.
Si e përjetove derbin nga stoli?
Derbi është ndeshja më e bukur në Shqipëri. Është ndeshje që përjetohet shumë nga të gjithë. Ishte atmosferë shumë e mirë. U kënaqa shumë.
Ke pasur mungesë refleksesh dhe orientimi pas lëvizjes që bëre jashtë Shqipërisë…
Në fakt kur u largova nga Vllaznia u largova për një të ardhme më të mirë për veten. Atje nuk gjeta veten dhe u riktheva në Shqipëria. Shpresoj të vazhdoj kështu.
Pas këtyre 2 golave a do të pranosh të qëndrosh në stol?
Do pranoj. Çdo futbollist e pranon stolin. Do preferoja të rija në stol dhe të bëja gola se sa të isha titullar dhe mos shënoja.
E prisje të gabonte Hoxhallari?
U befasova nga Hoxhallari. Ishte një moment me shans. Nuk e prisja të gabonte në atë rast. Por futbolli kështu e ka.
Çlirimi pas golave..
Nuk besoj që kam neglizhuar stërvitjen. Ka qenë goli që më ka munguar dhe kjo ka bërë që të dalin të këqijat e mija në pa. Me golat do jem edhe unë më i qetë dhe do vazhdoj të jem po kaq agresiv dhe nuhatës te porta.
