Agjencia Evropiane e Hapësirës ka ndarë një imazh të pabesueshëm që tregon një krater të gjerë 50 milje në planetin Mars, i cili është i mbushur me akull gjatë gjithë vitit. ESA ka konfirmuar se ulja në kraterin Korolev është një bllok i dendur akulli, jo borë. Ai është rreth 2200 kilometra kub ujë akulli, njësoj si vëllimi i Liqenit të Madh të Kanadasë.
Besohet se ky masiv akulli mund t’iu shërbejë njerëzve që do të zbresin në Mars në të ardhmen për mbijetesë, madje mund të bëjë të mundur që ata të kthehen në shtëpi, pasi uji mund të ndahet në hidrogjen dhe oksigjen për karburantin e raketave.
A beautiful #winter wonderland… on #Mars! This ice-filled crater was imaged by our Mars Express spacecraft. Korolev crater is 82 kilometres across and found in the northern lowlands of Mars.
More images: https://t.co/48Czjh80Qb pic.twitter.com/5KDQ1PJ0jt— European Space Agency (@esa) December 20, 2018
Krateri gjendet në ultësirën veriore të Marsit pranë polit verior, e cila është e njohur si Olympia Undae për terrenin e tij me onde dhe dunat. Këto imazhe janë marrë nga Kamera Stereo me Rezolucion të Lartë Mars Express (HRSC). Misioni i së cilës ka nisur në 2003-in dhe këtë muaj shënon përvjetorin e 15-të të futjes së orbitës së hetimit në Planetin e Kuq.
Krateri i akullt është emëruar në nder të inxhinierit të raketave dhe dizenjatorit të anijeve Sergej Korolev, i njohur si babai i teknologjisë hapësinore sovjetike dhe kreu i misioneve të eksplorimit hapësinor, duke përfshirë programet Sputnik, Vostok dhe Voskhod. Një fakt më pak i njohur është se Korolev ëndërronte për një fluturim në Mars për dekada dhe ishte duke punuar në një raketë që do të sillte një njeri në Planetin e Kuq. Vizionari sovjetik vdiq në vitin 1966. TIRANA TODAY
