Organi më i lartë i futbollit evropian, duket se është gati të nisë hetimin për klubin parisien, pas supergoditjeve që drejtuesit e skuadrës realizuan gjatë merkatos verore.
Në lidhje më këtë çështje ka reaguar dhe Presidenti i PSG, Naser Al-Khelaifi. Sheiku në një prononcim për gazetën britanike Daily Telegraph është shprehur se ai ndihet i qetë pas është brenda të gjitha rregullave të Fair-Play Financiar.
Numri një i klubit më tej shtoi se ky hetim që pritet të nisë vjen për shkak të presionit që po ushtrojnë klubet e ndryshme në drejtim të UEFA-s edhe pse është i bindur se këta të fundit nuk do të ndikohen aspak nga këto zëra gjatë hetimit.
Në këtë intervistë sheiku Naser Al-Khelaifi nuk harroi të lavdëronte punën që është bërë tek PSG gjatë këtyre gjashtë viteve të fundit, punë që ka sjellë dhe rritje të të ardhurave, falë biletave të shituara, sponsorëve dhe të drejtave televizive. Në fund, presidenti deklaroi se të gjithë tifozët e Parisit duhet të qëndrojnë të qetë, pasi ai dhe stafi i tij janë të brenda të gjithë rregullave të fair- play financiar.
