Dy persona kanë përfunduar në pranga në qytetin e Elbasanit. Policia ka kryer një kontroll në banesë, ku ka gjetur kokainë dhe kanabis.
Mësohet se në pranga kanë rënë Arben Farka, 35 vjeç, banues në lagjen 11 Nëntori, Elbasan dhe Gramos Nasto, 41 vjeç, banues në lagjen “Dyli Haxhire” Elbasan.
Fillimisht, këta dy shtetas janë konfliktuar me njëri-tjetrin për motive të dobëta.
Kështu, efektivat kanë ushtruar kontrolle në banesat e tyre. Shtetasi A.Farka ka kundërshtuar punonjësit e policisë për kontrollin e banesës së tij, ku policia gjeti dhe sekuestroi një dozë me lëndë narkotike të dyshuar si kokainë.
Nga ana tjetër, në banesën e shtetasit G. Nasto, u gjetën 2.4 gramë lëndë narkotike të dyshuar si Cannabis sativa.
Materialet i kaluan Prokurorisë pranë Gjykatës së Shkallës së Parë Elbasan, për veprat penale, “Kundërshtimi i punonjësit të policisë së rendit publik”, “Prodhimi dhe shitja e narkotikëve”, parashikuar nga nenet 236/2 dhe 283 të Kodit Penal për shtetasin A.Farka, ndërsa shtetasi G.Naso për veprën penale “Prodhimi dhe shitja e narkotikëve” parashikuar nga neni 283.
