Apeli i Vlorës ka shpallur të pafajshëm ish-kryetarin e Bashkisë së Vlorës, Shpëtim Gjikën. Ndaj këtij të fundit rendonin 4 akuza: “Shpërdorim detyre”, “Falsifikim dokumentesh”, “Fshehje të provave të krimit” dhe “Ndërtim të paligjshëm”, për të cilat ishin kërkuar 9 vite burg.
Në seancën e së hënës, Gjika u lirua nga çdo akuzë, duke u shpallur i pafajshëm nga gjykata. Kreu i trupit gjykues ishte Alma Liçaj, e cila një ditë më parë doli para KPK në kuadër të Vettingut, ndërsa gjyqtarë ishin Petrit Aliaj dhe Iliba Bezati.
Veç Gjikajt, u shpall e pafajshme edhe ish-shefja e urbanistikës në bashkinë e Vlorës, Doriana Beharaj.
I përfshirë në këtë çështje biznesmeni Artur Haxhi, pronar i subjektit ndërtues “Turi&MZB” është dënuar me 3 vite burg, konvertuar në tre vite shërbim prove për akuzën e falsifikimit të dokumenteve zyrtar më shumë se një herë.
Ridvan Mersini, i cili është dënuar nga gjykata me një vit burg të konvertuara në dy vite shërbim prove, u shpall po ashtu i pafajshëm.
